សង្គមសក្តិភូមិបារាំងចែកជាបីវណ្ណៈគឺ បព្វជិត អភិជន និងវណ្ណៈទី៣​។ ក្រុមទាំងពីរខាងដើមជាពូកឯកសិទ្ធិ ជាសសរទ្រូងនៃរបបសក្ដិភូមិ កាន់កាប់តួនាទីសំខាន់ៗក្នុងរដ្ឋអំណាច ក្នុងសាសនា ហើយពុំជាប់ពន្ធដារអ្វីទាំងអស់។ ក្រៅបីវណ្ណៈពួកឯកសិទ្ធិទាំងពីនេះ​ ប្រជាជនបារាំងទាំងអស់ឋិតនៅក្នុងវណ្ណៈទី៣។ វណ្ណៈទី៣​ មានពួកគហបតីធំៗ ឈ្មួញតូចទាច​ សិល្បករ និងកសិករ។ វណ្ណៈគហបតីពុំមានមធ្យោបាយចួលរួមក្នុងកិច្ចការនយោបាយទេ​ ថ្វីត្បិតគេមានធនធានស្ដុកស្ដម្ដក៏ដោយ។​ ប្រជាជនក្រុងបារីសត្រូវគេឲ្យឈ្មោះថា ៉សង់គុយឡុត ៉។ ពួកគហបតីជាអ្នកដឹកនាំបដិវត្តន៍ ព្រោះគេជាអ្នកមានទ្រព្យសម្បត្តិ និងចំណេះវិជ្ជា។​ របបរាជាធិបតេយ្យផ្ដាច់ការបារាំងបានដួលរលំនៅឆ្នាំ១៧៨៩។ សភាធម្មនុញ្ញបង្កើតរបបថ្មីមួយ​ប៉ុន្តែស្ដេច និងសភាពុំអាចគ្រប់គ្របរបបនេះបាន របបរាជាធិបតេយ្យក៏ត្រូវដួលរលំនៅថ្ងៃទី១០ ខែសីហា នៅឆ្នាំ១៧៩២។