Sllavizmat në leksikun e gjuhës shqipe zënë një vend konsiderueshëm, edhe pse autorë të ndryshëm kanë mendime të ndryshme mbi numrin e tyre në gjuhën shqipe. Studiuesit sllavë mbrojnë tezën për ndikimin e numri më të madh fjalësh si huazime sllave të shqipes, duke arritur herë-herë në përfundime në lidhje me etnogjenezën dhe autoktoninë e shqiptarëve. Edhe pse sipas autorëve të ndryshëm nuk ka një dokumentacion shkrimor të hershëm të shqipes ndikimi i sllavistes mbi leksikun e shqipes është i konsiderueshëm. Studiuesi Xh. Ylli vë re se ka mendime të ndryshme në lidhje me inventarizimin e sllavizmave në shqipe, duke qenë se studimet në këtë fushë janë bërë nga autorë sllavë, të cilët e kanë parë me subjektivizëm numrin e tyre në gjuhën shqipe.