Balafirên Îsraîlê berbanga îro li paytexta Yemen Senayê stasyoneke kehrebeyê bombebaran kir. Di encamê de kehrebe li herêmê qut bû. Şêniyên herêmê ji Ajansa Nûçeyan a Almanî (DPA) re got "Ji ber bombebarankirina stasyona kehrebê ya Hezîzî du teqînên bi hêz Senayê hejandin." Şêniyan diyar kir ku dûmanê ji cihê teqînê derketiye. Lê tu agahiyên der barê ziyanên mirovî û madî de nehatin bidestxistin. Medyayên ser bi Hûsiyan ve ragihand ku stasyona kehrebê yên li Senayê ji hêla Îsraîlê ve hatin bombebaran kirin û kehrebe qut bûye. Girêdayê mijarê Berdevkê artêşa Îsraîlê Avichay Adraee daxuyaniyek li ser Xˊê parve kir û got, balafiran li kûrahiya Yemenê xistiye. Adraee anî ziman ku ev êriş wekî bersivdana êrişên domdar yên Hûsiyan ên li dijî Îsraîlê hatiye kirin û got, Hûsî bi fermana Îranê êrişî Îsraîlê û hevalbendên wê dike û artêşa Îsraîlê dê li dijî her gefekê bersiveke xurt bide.